ԿԲ նախագահի ընտրությունը տեղի կունենա ապրիլի 17-ին՝ ժամը 10։30-12։30 ընկած ժամանակահատվածում։ Այս մասին Ազգային ժողովի ապրիլի 16-ի նիստում հայտարարեց «Իմ քայլը» խմբակցության պատգամավոր Վահագն Հովակիմյանը: Հովակիմյանը հայտնեց, որ ընտրությունն անցկացվելու է գաղտնի քվեարկությամբ, իսկ պատասխանները պարզ կլինեն օրվա երկրորդ կեսին։ Նշենք, որ ԿԲ նախագահի պաշտոնում Մարտին Գալստյանի թեկնածությունը առաջադրել է կառավարող «Իմ քայլը» խմբակցությունը: «ԿԲ նախագահի թեկնածուի կենսագրությունը, մասնագիտական որակները, կրթությունը ու արժեքային հենքը հիմք են հանդիսացել «Իմ քայլը» խմբակցության համար առաջադրելու հենց Մարտին Գալստյանի թեկնածությունը» ,- այսօր ԱԺ-ում Կենտրոնական բանկի նախագահի ընտրության հարցի քննարկման ժամանակ ասաց «Իմ քայլը» խմբակցության ղեկավար Լիլիթ Մակունցը։ Մակունցի հաոզմամբ՝ չափազանց կարեւոր է նաև հանրային ծառայությունը գերակա համարելը, ինչպես նաեւ՝ Գալստյանի տարիներ շարունակ որպես ՀՀ քաղաքացու կեցվածքը։