Հայաստանի կառավարությունը հունվարի 16-ի նիստում հավանություն է տվել ԵԱՏՄ շրջանակներում գույքի գնահատման ոլորտում համագործակցության մասին համաձայնագրին, որը նախապես հաստատվել էր Եվրասիական տնտեսական հանձնաժողովի խորհրդի 2024 թվականի սեպտեմբերի նիստում: Նոր փաստաթուղթը սահմանում է ԵԱՏՄ երկրների իրավասու մարմինների միջև տեղեկատվության փոխանակման միասնական մեխանիզմ: Հայաստանի դեպքում այդպիսի մարմին է հանդիսանում Անշարժ գույքի կադաստրի պետական կոմիտեն: Համաձայնագիրը նախատեսում է նորմատիվային ակտերի, մասնավոր գնահատողների ռեգիստրների և շուկայի վիճակի մասին հաշվետվությունների կանոնավոր փոխանակում: Այս քայլն ուղղված է ԵԱՏՄ երկրներում գույքի գնահատման միասնական չափանիշների ստեղծմանը, ինչը պետք է նպաստի միության անդամ պետությունների միջև առավել արդյունավետ տնտեսական փոխգործակցությանը:
