Հոկտեմբերի վերջին Եվրոպական խորհրդի նախագահ Շառլ Միշելի, Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի մասնակցությամբ եռակողմ հանդիպում տեղի չի ունենա: Այս մասին հայտարարել է Հարավային Կովկասի և Վրաստանում ճգնաժամի հարցերով Եվրոպական միության հատուկ ներկայացուցիչ Տոյվո Կլաարը։ Նա հանդիպման չկայանալը պատճառաբանել է ժամանակի սղությամբ: Ըստ Կլաարի՝ իրենց նպատակն է, որ Լեռնային Ղարաբաղի հայերը վերադառնան իրենց տուն: «Կարևորելով Գրանադայի հանդիպումը, որին չէր մասնակցել Ալիևը, հիմա փորձում ենք Բրյուսելում կազմակերպել Փաշինյան-Ալիև հանդիպում: Չնայած դանդաղ ընթացքին՝ հավատում ենք, որ արդյունքը փաստաթղթի ստորագրումը կլինի»,- հավելել է Կլաարը: