Մոսկվայում ավտոբուսը մխրճվել է հասարակական կանգառ: Այս մասին հաղորդում է ՆՏՎ-ն: Նշվում է երեք վիրավորի մասին: Ավելի վաղ նշվում էր նաև երկու զոհի մասին, սակայն այդ լուրը չհաստատվեց: Վարորդը չի տուժել: Տեղում աշխատում են իրավապահները: Նախնական վարկածի համաձայն՝ ավտոբուսի վարորդը միջադեպի ժամանակ փորձել է խուսափել մեկ այլ մեքենայի հետ բախումից, ինչի հետևանքով մխրճվել է կանգառի մեջ: Հիշեցնենք, օրերս ավտոբուսը, նախնական վարկածի համաձայն կորցնելով կառավարումը, մխրճվել էր մետրոյի կայարանի անցում, ինչի հետևանքով 4 մարդ զոհվել էր, 11-ը վիրավորվել:
