Թուրքիայում շարունակում են ձերբակալել քրդական «Ժողովուրդների դեմոկրատական» (HDP) կուսակցության պատգամավորներին։ Թուրքական Milliyet-ի փոխանցմամբ՝ Թուրքիայի խորհրդարանի փոխնախագահ, HDP-ի պատգամավոր Փերվին Բուլդանը Twitter-ի իր էջում գրել է․ «Ձերբակալվեցի»։ Ոստիկանները դեռ մանրամասներ չեն ներկայացրել։ Հիշեցնենք, որ վերջերս Դիարբեքիրում և Անկարայում ձերբակալվել է քրդամետ Ժողովրդադեմոկրատական կուսակցության ավելի քան 15 անդամ, այդ թվում նաև կուսակցության համանախագահներ Սելահաթթին Դեմիրթաշն ու Ֆիգեն Յուքսեքդաղը: