2008 թվականի օգոստոսին Հարավային Օսիայում զինված հակամարտությունը սկսվեց Վրաստանի նախկին նախագահ Միխեիլ Սաակաշվիլիի գործողությունների պատճառով։ Այս մասին RT-ի հետ հարցազրույցում ասել է Վրաստանի խորհրդարանի նախկին նախագահ Նինո Բուրջանաձեն։«Պատերազմը սկսել է Սաակաշվիլին։ Այդ ողբերգական իրադարձությունների պատասխանատությունն ընկնում է առաջին հերթին նրա վրա»,- ասել է Բուրջանաձեն։Նա ընդգծել է, որ երկրում մինչ օրս ընդունված չէ խոսել Հարավային Օսիայում հակամատության պատճառների թեմայով։2009 թվականին անկախ փորձագիտական հանձնաժողովը, որը ձևավորվել էր ԵՄ-ի կողմից 2008 թվականին պատերազմի հանգամանքների հետաքննման համար, համարել է, որ հակամարտության սանձազերծման մեղքն ընկնում է Վրաստանի վրա։ Պատճառների հետաքննության վրա ծախսվել է 1,6 մլն եվրո։ Ուղիղ 9 տարի առաջ, լույս օգոստոսի 8-ի գիշերը, Վրաստանը սկսեց ռազմական գործողությունը Հարավային Օսիայի և Աբխազիայի նկատմամբ: Ռուսաստանը պատասխանեց՝ «Վրաստանին խաղաղություն պարտադրող» գործողությամբ, որը տևեց հինգ օր: Օրեր անց՝ օգոստոսի 26-ին Ռուսաստանը պաշտոնապես ճանաչեց Հարավային Օսիայի և Աբխազիայի անկախությունը:
