Սաուդցի լրագրող Ջամալ Խաշոգջիի սպանության շուրջ ստեղծված իրավիճակը չի անդրադարձել Սաուդյան Արաբիայի նկատմամբ ԱՄՆ պաշտպանական ոլորտում քաղաքականության վրա, համապատասխանաբար՝ նաեւ երկու երկրների զինված ուժերի փոխգործակցության վրա: Այս մասին հայտնել է ԱՄՆ ԶՈՒ Շտաբների պետերի կոմիտեի նախագահ, գեներալ Ջոզեֆ Դանֆորդը The Washington Post պարբերականի կազմակերպած համաժողովում:«Ինչ վերաբերում է Սաուդյան Արաբիային, ապա նա ոչ մի բանով չի տարբերվում ցանկացած այլ պետությունից այն իմաստով, որ առանձին վերցրած այս կամ այն երկրի հետ պաշտպանական փոխգործակցությունն ամբողջությամբ որոշվում է [պաշտպանական] քաղաքականությամբ: Ներկայումս Սաուդյան Արաբիայի նկատմամբ վարվող քաղաքականության մեջ ոչ մի փոփոխություն չի եղել, որը կազդեր զինված ուժերի փոխգործակցության վրա»,- ասել է նա:Խաշոգջին, որը հայտնի էր Էր Ռիադի քաղաքականության քննդատական հոդվածներով, հոկտեմբերի 2-ին Ստամբուլում Սաուդյան Արաբիայի գլխավոր հյուպատոսան այցելելուց հետո կորել էր: Հոկտեմբերի 20-ին սաուդյան իշխանությունները հայտնել էին, որ նա դիվանագիտական առաքելության շենքում սպանվել է վեճի հետեւանքով: Համաշխարհային հանրությունը այս հանցագործությունը խստորեն դատապարտել էր՝ Էր Ռիադին կոչ անելով թափանցիկ քննություն անցկացնել, փոխանցում է ՏԱՍՍ-ը:
