ՀՀ Կառավարությանն առընթեր պետական գույքի կառավարման վարչության պաշտոնական կայքում բավականին ուշագրավ մի հայտարարություն է տեղադրված:Դրանում ասված է, որ «Աճուրդի կենտրոն» պետական ոչ առևտրային կազմակերպությունը հրավիրում է աճուրդի, որը տեղի կունենա 2018 թվականի ապրիլի 12 –ին, իսկ վաճառվում է Հայաստանի Հանրապետական կուսակցությանը սեփականության իրավունքով պատկանող անշարժ գույքը:Խոսքը Վայոց Ձորի մարզ, Վայք քաղաքի Շահումյան 16 հասցեում գտնվող շենքի մասին է՝ 455.5 քմ տարածքով: Հարց է առաջանում ՝ ինչո՞ւ է ՀՀ կառավարությանն առընթեր պետական գույքի կառավարման վարչությունը զբաղվում, ըստ էության, մասնավոր գույքի աճուրդով: Հանրապետական կուսակցությունը ձևավորել է կառավարություն, բայց այն ընդամենը կուսակցություն է և պետական ապարատը չպետք է զբաղվի նրա նեղկուսակցական խնդիրներով: ՀՀ Սահմանադրությունն ասում է. «Հայաստանի Հանրապետությունում ճանաչվում են գաղափարախոսական բազմակարծությունը եւ բազմակուսակցությունը»: Կյանքը, սակայն, ապացուցում է հակառակը՝ Հայաստանը շարունակում է ապրել Խորհրդային միության միակուսակցական հակամարգում:
