Իրանը կշարունակի ավելացնել իր պաշտպանական ներուժը եւ որեւէ մեկի թույլտվության կարիքը չունի: Այս մասին հայտարարել է Իրանի նախագահ Հասան Ռոհանին, հաղորդում է IRNA-ն:«Մեր ուղերձը Պարսից ծոցի երկրներին՝ Իրանը եղել եւ կլինի լավ հարեւան»,- նշել է նա:Նրա խոսքով՝ ԱՄՆ ներկայիս վարչակազմի կողմից Իրանի միջուկային գործարքը ձախողելու փորձերը հանգեցրել են միայն Վաշինգթոնի մեկուսացմանը, քանի որ այսօր եվրոպական բոլոր երկրները Իրանի կողքին են:Մեկնաբանելով Բրիտանիայի առաջարկած Եմենի վերաբերյալ բանաձեւը, որում Իրանին մեղադրում են Եմեն ապօրինի զենք առաքելու համար, Ռոհանին դա անվանել է «ամերիկյան դավադրություն»: «Եթե դուք իսկապես հոգ եք տանում Եմենի մասին, ապա դադարեցրեք Սաուդյան Արաբիային ռումբեր մատակարարել, վերացրեք երկրի շրջափակումը՝ եմենցիներին մարդասիրական օգնություն հասցնելու համար»:
