Մոսկվայում ծանր բանակցություններից հետո Ջոն Բոլթոնը մեկնել է ՀՀ ու Ադրբեջան: ԱՄՆ-ն ցանկանում է ստիպել Երևանին ու Բաքվին միանալ Իրանի շրջափակմանը` դրա դիմաց առաջարկելով ղարաբաղյան հարցի կարգավորում: Այդ մասին հայտարարել է փորձագետ Ալեքսեյ Դզերմանտը: Նա նշել է, որ Իրանի հետ հարաբերությունների վատթարացման կամ խզման համար ԱՄՆ-ն օգտագործելու է ԱՄՆ-ում հայկական սփյուռքը: Բոլթոնը ՀՀ-ում հայտարարել է նաև, որ Իրանի հետ սահմանը խնդրահարույց է դառնալու: Ըստ փորձագետի, Թեհրանը պետք է մեծ ջանքեր գործադրի, որպեսզի թույլ չտա ամերիկացիներին կտրել նրանց ելքերը դեպի եվրասիական ու եվրոպական շուկաներ: Դզերմանտի խոսքով, Իրանի համար շատ կարևոր են հյուսիսային արտահանման ուղղությունները:
