Երևանի Հանրապետության հրապարակում ՀՀ վարչապետի աթոռից կառչած Նիկոլ Փաշինյանի հրաժարականի պահանջով բողոքի և անհնազանդության գործողությանը մասնակցելու համար ոստիկանական ուժերի կողմից ապօրինի կերպով բերման են ենթարկվել «Հայրենիք» կուսակցության մի շարք անդամներ: Այս մասին տեղեկացնում են կուսակցության լրատվական ծառայությունից։ «Նրանց թվում են կուսակցության Խորհրդի անդամ, իրավապաշտպան Արսեն Բաբայանը, մամուլի խոսնակ Սոս Հակոբյանը, կուսակցության երիտասարդական թևի անդամներ Բաբկեն Հարությունյանը, Տիգրան Սուքիասյանը և Դավիթ Բաղդասարյանը։ «Հայրենիք» կուսակցությունը դատապարտում է դավաճան Նիկոլ Փաշինյանի անօրինական հրահանգների հիման վրա ընդդիմադիր քաղաքական ուժերի ներկայացուցիչների հանդեպ կիրառվող ապօրինի գործողությունները և կրկին հավաստում, որ հանուն Հայրենիքի փրկության պայքարը շարունակվելու է», - նշված է կուսակցության տարածած հաղորդագրության մեջ։
