Հայաստանում Սորոսի հիմնադրամի գործադիր տնօրեն Լարիսա Մինասյանն ապրիլի 16-ին կհեռանա պաշտոնից։ Այս մասին տեղեկանում ենք հիմնադրամի կայքից։ Լարիսա Մինասյանն արդեն 21 տարի ղեկավարում է Սորոսի հիմնադրամը Հայաստանում։ Աշխատանքից ազատման պատճառները հայտնի չեն: Հիմնադրամի մամուլի ծառայությունից հայտոնւմ են, որ Բաց հասարակության հիմնադրամներ-Հայաստանի տնօրենների խորհուրդը սերտորեն համագործակցում է Հիմնադրամի աշխատակազմի հետ և վերահսկելու է նոր գործադիր տնօրենի ընտրությունն առաջիկա ամիսներին: «Տնօրենների խորհուրդը պատրաստ է սերտ համագործակցել Հիմնադրամի աշխատակազմի և նոր ղեկավարության հետ անցումային այս շրջանում», – ասել է Բաց հասարակության հիմնադրամներ-Հայաստանի տնօրենների խորհրդի նախագահ Արտակ Քյուրումյանը:
