2021 թվականի հոկտեմբերի 15-ին Ռուս Ուղղափառ Եկեղեցու Սուրբ Սինոդի կողմից որոշում է ընդունվել Հայաստանի Հանրապետության տարածքում ձեւավորել Ռուս Ուղղափառ Եկեղեցու թեմը: Այս մասին իր Telegram-ալիքում հայտնել է Մոսկվայի պատրիարքարանի հասարակության եւ ԶԼՄ-ների հետ Եկեղեցու փոխհարաբերությունների Սինոդալ բաժնի նախագահ Վլադիմիր Լեգոյդան։ «Նորաստեղծ Հայոց թեմի թեմական եպիսկոպոսը կունենա «Երևանի և Հայոց» տիտղոսը՝ Երևան քաղաքում Եպիսկոպոսաց ամբիոնի տեղակայմամբ։ Եղբայրական երկխոսության ոգով ամբիոն ստեղծելու որոշումը քննարկվել է Վեհափառ Հայրապետի և Ն.Ս. Օ. Տ. Տ. Գարեգին Բ Ամենայն Հայոց Կաթողիկոսի հետ», - գրել է նա:
