ՀԱՊԿ գլխավոր քարտուղար Ստանիսլավ Զասը հայտարարել է, որ ՀԱՊԿ տարածքում ռազմական վտանգի մակարդակը չի նվազում: Այս մասին հայտնում է ՏԱՍՍ-ը։ Նրա խոսքով՝ հայկական եւ ադրբեջանական կողմերի շփման գծում՝ Ղարաբաղում, լարվածությունը պահպանվում է՝ չնայած ձեռնարկվող քայլերին։ «ՏՀՏ-ի օգտագործումը դարձել է երկրների իրադրության վրա ապակառուցողական ազդեցության գործիք։ ՀԱՊԿ-ն պատրաստ է ԱՊՀ-ի եւ նրա պրոֆիլային կառույցների հետ համակողմանի համագործակցություն զարգացնել պետությունների անվտանգության ապահովման գործում», - նշել է նա:
