Ապրիլի 15-ին ՌԴ Պետդումայի ԱՊՀ գործերով, եվրասիական ինտեգրման եւ հայրենակիցների հետ կապերի կոմիտեի նախագահ Լեոնիդ Կալաշնիկովի գլխավորած պատվիրակությունը կայցելի Երեւան: Այդ մասին «Հայ-ռուսական ռազմավարական դաշինքի արդի հարցերը ներկայի սպառնալիքների և մարտահրավերների առջև» կլոր սեղանի ընթացքում հայտարարեց ՀՀ Ազգային ժողովի տարածաշրջանային և եվրասիական ինտեգրման հարցերի մշտական հանձնաժողովի նախագահ Միքայել Մելքումյանը: Նա նշել է, որ սա հայ եւ ռուս խորհրդարանականների առաջին նման հանդիպումն է Երեւանում 2020 թվականի ողբերգական իրադարձություններից հետո: «Սպասվում է շատ հագեցած օրակարգ»,- տեղեկացրեց նա։