Ժամանակը չի եկել. Պաշտոնանկությունից մեկ տարի անց Սարգսյանն «ասելիք չունի» (տեսանյութ)

197

ՀՀ պաշտոնաթող նախագահ, ՀՀԿ առաջնորդ Սերժ Սարգսյանը, որը մեկ տարի առաջ հանրության ճնշման տակ հեռացավ վարչապետի պաշտոնից, դեռեւս ասելիք չունի: Դեռեւս ժամանակը չի եկել, նշում է Սերժ Սարգսյանը:


Սերժ Սարգսյանը կարճ ելույթով հանդես է եկել ՀՀԿ-ին անդամագրվող երիտասարդների հետ հանդիպմանը ու պատասխանել լրատվամիջոցների հարցերին: Ավելի ճիշտ, ԶԼՄ-ների ասնել է, որ դեռեւս ասելիք չունի: Իսկ թե երբ կխոսի Սարգսյանը, հստակ չէ. «Այս պահին շատ ասելիքներ չունեմ: Կունենամ այն ժամանակ երբ բոլոր դեպքերում մի ընդհանրական խոսք կասեմ ու կպատասխանեմ մեզնով հետաքրքրվող լրատվամիջոցների հարցերին»,- ասել է Սարգսյանը։


«Թեվշյա» հեղափոխությունից մեկ տարի անց, երբ ապրիլի 23-ը Սերժ Սարգսյանի օրացույցում նշվեց, որպես պետական համակարգում կարիերայի ավարտի օր, նա դեռեւս ասելիք չունի: Լրագրողի հարցին, թե մեկ տարվա ընթացքում ի՞նչ փոփոխություններ է նկատում Հայաստանում, Սերժ Սարգսյանը պատասխանեց, որ բազմիցս ասել է՝ կգա ժամանակ, և բոլոր հարցերին կպատասխանի. «Երբ ժամանակը գա, բազում հարցերի կապատասխանեմ»,- եզրափակեց Սարգսյանը։



Սարգսյանն ասելիք չունի, սակայն նրա կուսակիցները գերթե ամենօրյա ռեժիմով մամուլի ու սեփական Facebook-յան էջերից ակտիվորեն քննադատում են Նիկոլ Փաշինյանի ղեկավարած կառավարությանը:


Իսկ ինչ է ասել Սերժ Սարգսյանը նորաթուխ ՀՀԿ-ականներին: Կրկին ոչ մի նորություն: «Յուրաքանչյուր ոք, ով անդամագրվում է որևէ կուսակցության, նշանակում է՝ պատարստ է ակտիվ մասնակցելու քաղաքական գործընթացներին։ Ձեզ բոլորին հաջողություն եմ մաղթում և ցանկանում եմ, որ այս շենքը, որտեղ տեղակայաված է ՀՀԿ-ի ղեկավար մարմինը, ձեզ համար մշտապես լինի ցանկալի վայր։ Ես կցանկանայի, որ դուք ունենայիք հստակ քաղաքացիական կեցվածք»,- ասաց Սերժ Սարգսյանը։


 

Տպել

Թեմայի այլ նորություններ
Загрузка...