Չինաստանը «լուրջ ռազմական սպառնալիք» է ներկայացնում․ Պոմպեո

ԱՄՆ-ի ինչպես դեմոկրատական, այնպես էլ հանրապետական վարչախմբերը լրջորեն չէին վերաբերում ազգային անվտանգության սպառնալիքին, որ ներկայացվում է Չինաստանի կողմից, սակայն նախագահ Դոնալդ Թրամփը ներկայում ակտիվորեն դիմակայում է «առեւտրային ագրեսիային»։ Այս մասին Fox Business-ին տված հարցազրույցում հայտարարել է ԱՄՆ պետքարտուղար Մայք Պոմպեոն։

«Մենք բոլոր ճակատներով պատասխան ենք տալիս։ Ռազմական տեսանկյունից՝ մեծացնում ենք ռազմական հնարավորությունները։ Ռազմական բյուջեն այս տարի գերազանցել է 700 միլիարդ դոլարը։ Այսպիսով, մենք ունենք պոտենցիալ»,- ասել է նա։