Իրանի նախագահն ընդունել է Ադրբեջանի պաշտպանության նախարարին

Այցով Իրանում գտնվող Ադրբեջանի պաշտպանության նախարար Զաքիր Հասանովին չորեքշաբթի ընդունել է Իրանի նախագահ Իբրահիմ Ռաիսին։

Interfax-ի հաղորդմամբ՝ Ռաիսին նշել է, որ Ադրբեջանի և Իրանի երկկողմ հարաբերությունները հաջողությամբ զարգանում են բոլոր ոլորտներում։

Իրանի նախագահը կարևորել է փոխայցելությունները երկու երկրների հարաբերությունների ընդլայնման տեսանկյունից՝ վստահություն հայտնելով, որ «Բաքվի և Թեհրանի միջև բարեկամական և եղբայրական հարաբերությունները կշարունակեն հաջողությամբ զարգանալ առաջիկա տարիներին ևս»։