Ֆրանսիայի նախագահ Էմանուել Մակրոնը «Le Point» ամսագրին տված հարցազրույցում հայտարարել է, որ աշխարհի առաջնորդների կարգավիճակն ունի իր թերությունները, որոնց թվում է, օրինակ, անհրաժեշտություն հաճախակի հեռախոսազրույցներ ունենալ Թուրքիայի նախագահի հետ: Ռեջեփ Թայիփ Էրդողանը մեկնաբանել է ֆրանսիացի իր գործընկերոջ հայտարարությունը՝ նշելով, որ չի պատրաստվում վերլուծել այն: «Չեմ պատրաստվում վերլուծել այդ հայտարարությունը, հարցրեք հարգարժան Մակրոնին: Բայց մեկ բան կարող եմ ասել շփվելու առաջարկները գալիս են իրենցից և ես չեմ ուզում դրանք մերժել: Քանի որ ես ձգտում եմ ավելացնել իմ ընկերների թիվը և նվազեցնել նրանց թիվը, ովքեր մեր նկատմամբ բացասական վերաբերմունք ունեն: Ես բացասական չեն վերաբերում այդ հարցազրույցում հնչած մտքին, հակառակը՝ դա վկայում է այն մասին, թե որքան կարևոր են նրանց համար բանակցություններն ու հանդիպումները Թուրքիայի նախագահի հետ», - հավելել է Էրդողանը:
