ԱՄՆ իշխանությունները փոշմանել են. Էրդողանի թիկնազորին ամերիկյան զենք չի վաճառվի

ԱՄՆ իշխանությունները հետ են կանչել Թուրքիայի նախագահ Ռեջեփ Թայիփ Էրդողանի անվտանգության ծառայությանն ամերիկյան զենք մատակարարելու թույլտվության մասին առաջարկը, հաղորդում է Associated Press-ը՝ վկայակոչելով Կոնգրեսի աղբյուրը։

Պատճառը՝ Էրդողանի թիկնապահների կողմից Վաշինգտոնում ցուցարարներին ծեծի ենթարկելն է:

Զենքի վաճառքի մասին համաձայնագիրը գնահատվել է 1.2 մլն դոլար։ Այս տարի ավելի վաղ վարչակազմը հայտնել էր, որ Կոնգրեսը ծրագրել է թույլ տալ Նյու Հեմփշիրի զենք արտադրող Sig Sauer ընկերությանը զենք վաճառել Էրդողանի թիկնազորին: