ՌԴ նախագահ Վլադիմիր Պուտինը տեսակապի միջոցով իրանցի գործընկեր Էբրահիմ Ռաիսիի հետ մասնակցում է Ռեշտ-Աստարա երկաթգծի կառուցման մասին համաձայնագրի ստորագրման արարողությանը։ Այս մասին գրում է ՌԻԱ Նովոստին։ Ռուսական կողմից համաձայնագիրը կստորագրի տրանսպորտի նախարար Վիտալի Սավելևը, իրանական կողմից՝ ճանապարհների և քաղաքաշինության նախարար Մեհրդադ Բազրպաշը։ Նախօրեին՝ մայիսի 16-ին, երկօրյա աշխատանքային այցով Իրան էր ժամանել Ռուսաստանի փոխվարչապետ Ալեքսանդր Նովակը։ Նա, մասնավորապես, Սանկտ Պետերբուրգից մինչև Հնդկաստանի Մումբայ նավահանգիստ 7,2 հազար կիլոմետր երկարությամբ մուլտմոդալ երթուղի Հյուսիս-Հարավ միջազգային տրանսպորտային միջանցքի աշխատանքային խմբի նիստ է անցկացրել Բազրպաշի հետ։ Մասնակիցները քննարկեցին Հյուսիս-Հարավի վերջին երկաթուղային հատվածի՝ Ռեշտ-Աստարա երկաթուղային հատվածի կառուցման ծրագրի իրականացման ընթացքը։
