Կոլումբիայի պաշտոնաթող նախագահը, Ծերեթելին և այլք. ովքեր են միջնորդել Աշոտյանի համար

ԱԺ «Պատիվ ունեմ» խմբակցության ղեկավար Հայկ Մամիջանյանը ներկայացրել է, թե ովքե՞ր են միջնորդել ԿԳ նախկին նախարար, ՀՀԿ փոխնախագահ Արմեն Աշոտյանի խափանման միջոցը փոխելու և կալանքից ազատելու համար.

«Կոլումբիայի պաշտոնաթող Նախագահ, Կենտրոնամետ Դեմոկրատների միջազգային միության նախագահ Անդրես Պաստրանան,

ԵԱՀԿ ԽՎ նախկին նախագահ, Վրաստանի նախկին ԱԳՆ, «Եվրոպական Վրաստան» կուսակցության քաղ.խորհրդի նախագահ Գեորգի Ծերեթելին,

ՀԱԿ փոխնախագահ Լևոն Զուրաբյանը,
ՀՀ ԱԺ նախկին նախագահ, նախկին վարչապետ Խոսրով Հարությունյանը,
«Ժառանգություն» կուսակցության հիմնադիր Րաֆֆի Հովհաննիսյանը,
ՀՀ ԱԺ պատգամավորներ՝
Աղվան Վարդանյանը,
Ասպրամ Կրպեյանը,
Գեղամ Մանուկյանը,
Աննա Մկրտչյանը,
Տիգրան Աբրահամյանը,
Հայկ Մամիջանյանը:

Նշված մարդիկ այս անգամ Արմեն Աշոտյանի համար երաշխավորություն են ներկայացրել:

Հիշեցնեմ, որ այսօր քաղբանտարկյալ Արմեն Աշոտյանի հերթական դատական նիստն է (կարդալ՝ բեմականացված ներկայացումը):

Քննարկվելու է խափանման միջոցի փոփոխության հարցը»,- հայտնել է նա: