Ղարաբաղյան հակամարտության կարգավորման շուրջ բանակցային գործընթացը պետք է շարունակվի գործող ձևաչափով: ԱՊԱ-ի հաղորդմամբ այս մասին հայտարարել է Ադրբեջանի ԱԳՆ մամուլի ծառայության ղեկավար Հիքմեթ Հաջիևը: Ըստ նրա, Հայաստանը տարբեր մակարդակներում հակասական հայտարարություններ է անում: «Ըստ միջազգային նորմերի և սկզբունքների՝ Հայաստանը բանակցային գործընթացի մաս է կազմում»,-ասել է նա:Հաջիևն ասել է, թե «Ադրբեջանի համար ընդունելի չէ, որ Հայաստանը կամ որևէ այլ երրորդ կողմ պայմաններ դնի բանակցային գործընթացը վարելու համար»:Հաջիևն ասել է նաև. «Բանակցային գործընթացի հիմնարար միջազգային իրավական և քաղաքական հիմք են կազմում ՄԱԿ ԱԽ բանաձևերը: Իսկ բանակցությունների շարունակման ձևաչափը լավ է հայտնի համաշխարհային հանրությանը, ԵԱՀԿ ՄԽ համանախագահներին ու Հայաստանին», հայտնում է ադրբեջանական ԱՊԱ գործակալությունը:
