Վրաստանի նորընտիր նախագահ Սալոմե Զուրաբիշվիլին հարցազրույց է տվել BBC-ի ռուսական ծառայությանը` նշելով, որ իր գլխավոր նպատակն է հասնել այն բանին, որ Վրաստանը անդամակցի ԵՄ-ին և ՆԱՏՕ-ին: «Այդ 6 տարիները շատ կարևոր կլինեն Վրաստանի համար, որը շարժվում է դեպի Եվրոպա, Եվրամիություն, ՆԱՏՕ: Այդ ընթացքում մենք պետք է որքան հնարավոր է մոտենանք դրան կամ ինտեգրվենք ամբողջությամբ: Եվ ես այդ հարցում կլինեմ ամենաակտիվ նախագահը»,- ասել է նա: