ՌԴ նախագահ Վլադիմիր Պուտինը հրաման է ստորագրել, որով ժամանակավորապես արգելում է ռուսաստանյան ավիաընկերություններին հուլիսի 8-ից իրականացնել փոխադրումներ դեպի Վրաստան: Այս մասին հաղորդում է ՌԻԱ Նովոստին: Նա նաեւ կարգադրել է կառավարությանն ապահովել Վրաստանի տարածքում այս պահին գտնվող ռուսաստանցիների վերադարձը հայրենիք: Բացի այդ, նախագահը խորհուրդ է տվել տուրօպերատորներին արգելքի ժամանակահատվածում չվաճառել ուղեգրեր Ռուսաստանից Վրաստան:
