Վրաստանում նախագահական ընտրությունները, ենթադրաբար, տեղի կունենան 2025 թվականի հունվարին, լրագրողներին հայտնել է երկրի վարչապետ Իրակլի Կոբախիձեն։ «Ամեն ինչ ընթանում է խաղաղ. ընտրությունների արդյունքները կամփոփվեն, տասներորդ օրը տեղի կունենա խորհրդարանի նիստ, կմեկնարկի խորհրդարանական կյանքը: Այնուհետև՝ շատ շուտով, ենթադրաբար հունվարի սկզբին, տեղի կունենան նախագահական ընտրություններ», - ՌԻԱ Նովոստիի հաղորդմամբ ասել է Կոբախիձեն։
