«Հայաստան» դաշինքի երեք պատգամավորները պետք է ազատ արձակվեն. հայտարարություն

«Հայաստան» դաշինքի խորհրդարանական խմբակցության երեք պատգամավորները պետք է ազատ արձակվեն: Այս մասին հայտարարություն է տարածել «Հայաստան» դաշինքը:

«Քիչ առաջ Սահմանադրական դատարանը հրապարակեց պատգամավորների անձեռնմխելիության վերաբերյալ որոշումը: Սահմանադրական դատարանը, ըստ էության, արձանագրեց, որ անազատության մեջ գտնվող պատգամավորի կարգավիճակ չունեցող անձը պատգամավորի կարգավիճակ ձեռք բերելու պահից չի կարող պահվել անազատության մեջ: Սահմանադրական դատարանի այս որոշումից հետո անհապաղ պետք է փոխվի մեր երեք գործընկերների՝ Արմեն Չարչյանի, Մխիթար Զաքարյանի և Արթուր Սարգսյանի խափանման միջոց կալանքը, և նրանք պետք է ազատ արձակվեն»,- ասված է հայտարարության մեջ: