Բաքուն շարունակում է ագրեսիվ քաղաքականությունը, քանի որ հակազդեցություն չկա. Մանուկյան

Ադրբեջանը շարունակում է հայ բնակչությանը ահաբեկելու իր քաղաքականությունը և ագրեսիա կիրառելով ՝ հետապնդում է նաև իր ռազմավարական նպատակները։


Այս մասին 168.am եթերում հայտարարել է "Հայաստան" խմբակցության անդամ Գեղամ Մանուկյանը, մեկնաբանելով երեկվա սադրանքն և փոխհրաձգությունը Կարմիր Շուկայի տարածքում:


Նրա խոսքով՝ Կարմիր Շուկա շրջանում իրավիճակը նման սադրանքների եզակի օրինակ չէ, նման միջադեպերը պարբերական բնույթ են կրում։ Մանուկյանը նշել է, որ հայկական կողմից պատշաճ հակազդեցություն չկա, Հայաստանի իշխանություններն արդեն մեկ տարի է, ինչ փորձում են «ձեռքերը լվանալ» Արցախի հարցից և Արցախի Հանրապետության անվտանգության ապահովման երաշխիքներից:


«Նայելով անցած տարուն՝ ակնհայտ է դառնում, որ Հայաստանը Արցախի անվտանգության երաշխավորն է միայն խոսքով։ Իրականում նրանք «գնդակը գցել են Ռուսաստանի դաշտ»՝ հասարակության մեջ տպավորություն ստեղծելով, թե այն ամենի պատասխանատվությունը, ինչ տեղի է ունենում Արցախում, կրում են Ռուսաստանն ու ռուս խաղաղապահները», - հայտարարել է Մանուկյանը։


 

Տպել

Թեմայի այլ նորություններ
Загрузка...