Հայկական կողմն ունի 13 գերեվարված զինծառայող, ևս 24 զինծառայողի հետ կապը կորել է

Հայկական կողմն ունի 1 զոհված և 13 գերեվարված զինծառայող։ Այս մասին հայտնում են ՀՀ ՊՆ-ից:

"Եվս 24 զինծառայողի հետ կապը կորել է մարտական գործողությունների ընթացքում և նրանց ճակատագիրն այս պահին անհայտ է։ Զինծառայողների հայտնաբերման ուղղությամբ ընթանում են ինտենսիվ աշխատանքներ։

Հակառակորդի վերահսկողության տակ է անցել երկու մարտական հենակետ",- նշվում է հաղորդագրության մեջ։