25.09.2022
Գևորգյանը և Կոնյուկը խոսել են ԵԱՏՄ շրջանակում հայ-բելառուսական համագործակցության մասին
prev Նախորդ նորություն

Նորություններ գործընկերներից

Հունվարի 2-ը ևս կլինի ոչ աշխատանքային օր

Նոյեմբերի 10-ին ԱԺ պետական-իրավական հարցերի մշտական հանձնաժողովի հերթական նիստում երկրորդ ընթերցմամբ քննարկվել է ««ՀՀ տոների եւ հիշատակի օրերի մասին» ՀՀ օրենքում փոփոխություններ կատարելու մասին» օրենքի նախագիծը:


Օրինագծով առաջարկվում էր ամանորյա ոչ աշխատանքային օրերը կրճատել եւ հունվարի 2-ը, 3-ը, 4-ը, 5-ը եւ 7-ը սահմանել աշխատանքային օր:


ՀՀ էկոնոմիկայի նախարար Վահան Քերոբյանը տեղեկացրել է, որ օրինագծի վերաբերյալ եղել են բազմաթիվ քննարկումներ եւ որոշում է կայացվել հունվարի 2-ը եւս ընդգրկել ոչ աշխատանքային օրերի ցանկում:


Էկոնոմիկայի նախարարը, անդրադառնալով Մայր Աթոռ Սուրբ Էջմիածնի՝ հունվարի 5-ը եւ 7-ը ոչ աշխատանքային թողնելու առաջարկին, նշել է, որ առաջարկը մանրամասն ուսումնասիրվել է, սակայն այն ընդունելը տնտեսական առումով նպատակահարմար չէ:


ԱԺ պատգամավոր Արամ Վարդեւանյանն իր ելույթում նշել է, որ Մայր Աթոռ Սուրբ Էջմիածնի առաջարկը չընդունելու վերաբերյալ բովանդակային հակափաստարկ չի լսել: Ըստ նրա՝ ներկայացված փոփոխություններով նախագիծն ընդունելի չէ:


Հարակից զեկույցում ԱԺ պատգամավոր Արփինե Դավոյանը, անդրադառնալով Մայր Աթոռի առաջարկը չընդունելուն, նշել է, որ իրականացվել են տնտեսական հաշվարկներ:


Օրենքի նախագիծը ստացել է դրական եզրակացություն: