ԵՊՀ աշխատակիցների 60%-ից ավելին COVID-19-ի դեմ առնվազն մեկ դեղաչափով արդեն պատվաստվել է

ԵՊՀ ռեկտորի ժամանակավոր պաշտոնակատար Հովհաննես Հովհաննիսյանն իր ֆեյսբուքյան էջում հրապարակել է ԵՊՀ աշխատակիցների՝ կորոնավիրուսի դեմ պատվաստումների ցուցանիշները:

Նա մասնավորապես նշել է. «ԵՊՀ աշխատակիցների 60%-ից ավելին «COVID-19»-ի դեմ առնվազն մեկ դեղաչափով արդեն պատվաստվել է։ Վերլուծելով առաջիկայում պատվաստվելու համար հերթագրվածների թիվը՝ ԵՊՀ-ն ավելացնելու է ևս մեկ կայան։

Վերջին օրերի պատվաստումների ակտիվությունը վկայում է, որ առաջիկայում ունենալու ենք պատկառելի արդյունքներ։ Պատվաստվե՛ք և եղե՛ք պաշտպանված»։