28.03.2024
Արարատ Միրզոյանն ու Սերգեյ Լավրովը քննարկել են տարածաշրջանային օրակարգին վերաբերող հարցեր
prev Նախորդ նորություն

Նորություններ գործընկերներից

Հայաստանը և Կիպրոսը մշտապես հանձնառու են խորացնելու համագործակցությունը. Փաշինյան

Վարչապետ Նիկոլ Փաշինյանը շնորհավորական ուղերձ է հղել Կիպրոսի Հանրապետության նախագահ Նիկոս Անաստասիադիսին Հանրապետության Ազգային տոնի՝ Անկախության օրվա կապակցությամբ:


Ուղերձում ասված է.


«Հայաստանի Հանրապետության կառավարության և անձամբ իմ անունից ի սրտե շնորհավորում և լավագույն մաղթանքներ եմ հղում Ձեզ և Կիպրոսի բարեկամ ժողովրդին՝ Հանրապետության Ազգային տոնի՝ Անկախության օրվա կապակցությամբ:


Գոհունակությամբ եմ փաստում, որ մեր բազմադարյա կապերի և ամուր բարեկամության վրա հիմնված հայ-կիպրական հարաբերությունները շարունակում են զարգանալ եղբայրության և փոխըմբռնման ոգով:


Սիրելի բարեկամ, իմ խորին երախտագիտությունն եմ հայտնում Ձեզ, Կիպրոսի բարձրագույն իշխանություններին և կիպրացի եղբայրական ժողովրդին՝ այս դժվարին պահին վերստին հայ ժողովրդի կողքին լինելու, Հայաստանի դեմ ադրբեջանաթուրքական ագրեսիայի դատապարտման հարցում Կիպրոսի անվերապահ աջակցությունը վերահաս¬տա¬տելու համար: Ձեր անկեղծ և անդրդվելի դիրքորոշումը կրկին վկայում է հայ և կիպրացի ժողովուրդների անսասան բարեկամության մասին:


Հայաստանը և Կիպրոսը մշտապես հանձնառու են ընդլայնելու և խորացնելու համագործակցությունն ինչպես երկկողմ, այնպես էլ բազմակողմ հարթակներում:


Մեծարգո պարոն նախագահ՝ մաղթում եմ Ձեզ քաջառողջություն և արգասաբեր գործունեություն, իսկ Կիպրոսի եղբայրական ժողովրդին՝ բարեկեցություն և խաղաղություն»:


 

Նախագահն ու Չեխիայի ԱԳ նախարարը քննարկել են ՀՀ-ԵՄ համագործակցության զարգացման հեռանկարները
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար