Անհրաժեշտ է ավելին անել Ղարաբաղում տևական խաղաղություն հաստատելու համար. ԵԱՀԿ ԽՎ նախագահ

Անհրաժեշտ է ավելին անել Լեռնային Ղարաբաղում տևական խաղաղություն հաստատելու համար: Այս մասին ԵԱՀԿ Մշտական խորհրդի նիստում հայտարարել է ԵԱՀԿ Խորհրդարանական վեհաժողովի նախագահ Մարգարետա Սեդերֆելտն:

Նրա խոսքով, թեպետ Լեռնային Ղարաբաղում հրադադարի ռեժիմ է, սակայն պետք է ավելի շատ քայլեր ձեռնարկել՝ երաշխավորելու տևական խաղաղությունը և թեթևացնելու քաղաքացիական անձանց տառապանքները:

«Հենվելով Հայաստանի և Ադրբեջանի խորհրդարանների հետ մեր հաջող համագործակցության վրա՝ ԵԱՀԿ Խորհրդարանական վեհաժողովը շարունակում է պատրաստ լինել նպաստել միջխորհրդարանական երկխոսությանը խաղաղության գործընթացին նպաստելու նպատակով»,- ասել է նա: