Աֆղանստանի վերաբերյալ ՀԱՊԿ-ի ընդհանուր դիրքորոշման մշակումը կարևոր է. Լուկաշենկո

Բելառուսի նախագահ Ալեքսանդր Լուկաշենկոն հայտարարել է Աֆղանստանում իրավիճակի վերաբերյալ ՀԱՊԿ-ի և ՇՀԿ-ի ընդհանուր համախմբված դիրքորոշման մշակման կարեւորության մասին: Ինչպես հաղորդում է Բելտա գործակալությունը, այդ մասին խոսվել է մի շարք պետությունների ղեկավարների հետ հեռախոսազրույցների ժամանակ:

Մասնավորապես, հեռախոսազրույցի ընթացքում Տաջիկստանի նախագահ Էմոմալի Ռահմոնը և Ալեքսանդր Լուկաշենկոն քննարկել են Աֆղանստանում տիրող իրավիճակը:

«Շատ նոր տեղեկություններ կան, որոնք ԶԼՄ-ներում չեն լսվում եւ տեսանելի չեն ։ Շատ լուրջ և լարված իրավիճակ է։ Ես նրան շատ շնորհակալ եմ այն բանի համար, որ նա ինձ բացահայտ պատմեց այն ամենը, ինչ կատարվում է այնտեղ։ Եվ որքան կարեւոր է մեզ համար այսօր աշխատել Տաջիկստանի, մյուս հանրապետությունների հետ։ Տաջիկստանն Աֆղանստանի հետ սահմանի մեծ երկարություն ունի։ Սահմանը պետք է ամրապնդել, սահմանը բարդ է։ Նա խորհրդային տարիներին էլ էր բարդ։ Հիմա առավել եւս», - ընդգծել է Բելառուսի նախագահը։

Հեռախոսազրույցների ժամանակ, այդ թվում Էմոմալի Ռահմոնի հետ, քննարկվել է ընդհանուր դիրքորոշման մշակումը, ՀԱՊԿ-ՇՀԿ գծով Աֆղանստանի վերաբերյալ դիրքորոշման համաձայնեցումը: «Այս ամենը մենք Էմոմալի Շարիպովիչի ուսերին դրեցինք սեպտեմբերի կեսերին Դուշանբեում (որտեղ տեղի կունենան ՀԱՊԿ-ի եւ ՇՀԿ-ի գագաթաժողովները) կայացած հանդիպման ժամանակ», - նշել է Բելառուսի պետության ղեկավարը: