Նախարարն ու Չինաստանի դեսպանը քննարկել են բարեփոխումները դատաիրավական ոլորտում

Արդարադատության նախարար Կարեն Անդրեասյանը Հայաստանում Չինաստանի Ժողովրդական Հանրապետության արտակարգ եւ լիազոր դեսպան Ֆան Յոնգի հետ այսօր քննարկել է քրեակատարողական եւ դատաիրավական ոլորտներում արմատական բարեփոխումներ իրականացնելու հանձնառությանն ու այդ ուղղությամբ չինական կողմի հետ համագործակցելու հնարավորությանն առնչվող հարցեր։  

Նախարար Անդրեասյանը դեսպանի հետ զրույցում ներկայացրել է նաեւ Հայաստանի դատաիրավական ոլորտում իրականացվող բարեփոխումներն ու նախարարության այլ ուղղություններով առաջնահերթությունները։

Չինաստանի դեսպանը Արդարադատության նախարարության հետ համագործակցելու պատրաստակամություն է հայտնել եւ նախարար Անդրեասյանի հետ պայմանավորվել շարունակել օրակարգային հարցերի վերաբերյալ երկխոսությունը։