Ռուս սահմանապահներն արդեն Գեղարքունիքի մարզում են. մարզպետ

Ռուս սահմանապահներն արդեն Գեղարքունիքի մարզում են, որոշակի փուլից հետո նրանք կտեղակայվեն սահմանի երկայնքով։ Այս մասին լրագրողների հետ ճեպազրույցում հայտարարեց Գեղարքունիքի մարզպետ Գնել Սանոսյանը:

Նա նշել է, որ մարզում պարբերաբար միջադեպեր են գրանցվում.

«Այս պահին վիճակը շարունակվում է նույնը մնալ, կայուն է»,- ասաց նա։

Մարզպետը նաև տեղեկացրեց, որ համատեղ գործընթացներ են ընթանում, որի արդյունքում ռուս  զինվորականները կտեղակայվեն սահմանի երկայնքով.

"Այնուհետ բանակցային գործընթացը կշարունակվի, որոշակի հատվածներում կարվեն ճշգրտումներ",- հավելեց մաարզպետը։