Ռոբերտ Քոչարյանը ԼՂՀ նախագահի պաշտոնը թողնելուց հետո ոչ մի դրամ Արցախի բյուջեից չի ստացել

Տարածված մի կեղծիք կա, իբր Արցախի նախկին նախագահները ԼՂՀ բյուջեից մեծ կենսաթոշակ են ստանում։ Այնքան մեծ, որ ուսուցիչների աշխատավարձը չի բավականացնում։ Սա, կրկնեմ, կեղծիք է: Այս մասին ասված է ՀՀ երկրորդ նախագահ Ռոբերտ Քոչարյանի գրասենյակի համակարգող Բագրատ Միկոյանի հայտարարության մեջ:

"Մասնավորապես, Ռոբերտ Քոչարյանը ԼՂՀ նախագահի պաշտոնը թողնելուց հետո երբևէ ոչ մի դրամ Արցախի բյուջեից չի ստացել։ Այս փաստը ստուգելու համար առանձնապես չարչարվելու կարիք չկա․ ընդամենը մեկ հարցում է պետք անել ԱՀ կառավարություն",- գրել է նա՝ մեղադրելով «Ազատության» նախկին լրագրողներից մեկին, թե վերջինս այդ եղանակին լավ ծանոթ է, սակայն սա հերթական առիթ է երկրորդ նախագահի հասցեին սուտ տարածելու համար: