Ռուս խաղաղապահները հումանիտար օգնություն են հասցրել Ասկերանի շրջանի Փիրջամալ բնակավայր

Արցախում ռուս խաղաղապահ զորախմբի զինծառայողները հումանիտար օգնություն են հասցրել  Ասկերանի շրջանի Փիրջամալ (Վարդաձոր) բնակավայր՝ փոխանցելով Ռուսաստանի հասարակական կազմակերպությունների կողմից տրամադրված բեռը:

Մասնավորապես, ռուս խաղաղապահները «Ռուսաստանի մարդասիրական առաքելություն» ինքնավար կազմակերպության կողմից ծալովի մահճակալներ, ծածկոցներ, բարձեր, սնունդ պատրաստելու համար գազօջախներ ու այլ գույք են փոխանցել Վարդաձորում բնակվող 15 բազմազավակ ընտանիքի:

Բացի այս, գյուղի բուժկետը ստացել է նաև առաջնային ախտորոշման հավաքածու։