Բրիտանական կարգավորիչը հայտնել է AstraZeneca-ի կիրառումից հետո թրոմբոզի 30 դեպքերի մասին

Մեծ Բրիտանիայի դեղամիջոցների և բժշկական նշանակության ապրանքների հսկողության վարչությունը 30 զեկույցների վերլուծություն է իրականացրել երկրում AstraZeneca պատվաստանյութի կիրառման ընթացքում ստացված թրոմբոզի դեպքերի վերաբերյալ: Հետազոտության արդյունքները հրապարակվել են ապրիլի 1-ին վարչության կայքում, փոխանցում է ՏԱՍՍ-ը։

«Մեր վերանայման շրջանակներում մանրամասն վերլուծություն է կատարվել թրոմբոցիտների ցածր պարունակությամբ թրոմբոցիտների ձեւավորման մասին 30 հաղորդումների վերաբերյալ, որոնք մենք ստացել ենք մինչեւ մարտի 24-ը ներառյալ», - ասված է տեքստում:

Զեկույցում նշվում է, որ երկրում մարտի 24-ի դրությամբ AstraZeneca պատվաստանյութի 18,1 մլն չափաբաժին է սահմանվել: Կարգավորիչն ընդգծել է, որ Pfizer-BioNTech պատվաստանյութի վերաբերյալ նման հաղորդագրություններ չեն ստացվել: «COVID-19-ի դեմ պատվաստանյութերի առավելությունները շարունակում են գերակշռել ցանկացած հնարավոր ռիսկերը», - ասել է կարգավորիչը:

Ավելի վաղ, որպես նախազգուշական միջոց, մի շարք երկրներ դադարեցրել էին AstraZeneca ընկերության պատվաստանյութի օգտագործումը՝ կապված արյան մակարդելիության խախտման դեպքում թրոմբերի առաջացման մասին հաղորդագրությունների հետ, սակայն որոշ ժամանակ անց երկրների մեծ մասը վերսկսել է դեղամիջոցի կիրառումը:

ԱՀԿ-ն կոչ է անում շարունակել այդ պատվաստանյութի կիրառումը՝ նշելով, որ դրա օգտագործման առավելությունները գերակշռում են ռիսկերը: Եվրոպական դեղամիջոցների գործակալությունը նույնպես պատվաստանյութի օգտագործումը սահմանափակելու հիմքեր չի տեսնում։

VERELQ-ը հիշեցնում է, որ Հայաստանը մի քանի օր առաջ ձեռք է բերել AstraZeneca պատվաստանյութի 24 հազ. չափաբաժին։ Ընդ որում, հանրապետության առողջապահության նախարար Անահիտ Ավանեսյանն այն հարցին, թե արդյոք շարունակելու ենք գնել AstraZeneca պատվաստանյութը, որով պատվաստումը դադարեցվել է եվրոպական մի քանի երկրներում, պատասխանել է հետեւյալ կերպ:

«Եւ AstraZeneca-ն, եւ բոլոր մյուս պատվաստանյութերը, որոնք ստացել են միջազգային մասնագիտական կազմակերպությունների դրական եզրակացությունը, կօգտագործվեն Հայաստանում»: