29.03.2024
Ամուսինն աղանդավո՞ր է. առողջապահության նորանշանակ նախարարն անդրադարձավ լուրերին
prev Նախորդ նորություն

Նորություններ գործընկերներից

Ինչո՞ւ ԱԱԾ նախկին տնօրենի մահվան գործը չի կարճվել. պարզաբանում է ՔԿ փոխնախագահը

Ազգային անվտանգության ծառայության նախկին տնօրեն Գեորգի Կուտոյանի մահվան գործը չի կարճվել, նախաքննությունը շարունակվում է: Այս մասին այսօր՝ հունվարի 21-ին, ասել է ՀՀ քննչական կոմիտեի նախագահի տեղակալ Արթուր Մելիքյանը։


Նրա խոսքով՝ քրեական գործը հարուցվել է «ինքնասպանության հասցնելը» հոդվածով, քանի որ այլ հոդվածով քրեական գործ հարուցելու հիմքեր չեն եղել։


Իրավապահները փամփուշտներից ավելի քան 30 պարկուճ են գտել


Գեորգի Կուտոյանի մարմինը հրազենային վնասվածքով հայտնաբերվել է 2020թ.հունվարի 17-ին՝ Երեւանի նրա բնակարանում։ Դեպքի վայրում իրավապահները հայտնաբերել են փամփուշտների եւ փամփուշտների 30-ից ավելի պարկուճ, ինչպես նաեւ "Glock 34" տեսակի ատրճանակ:


Փաստի առթիվ հարուցվել է քրեական գործ՝ «ինքնասպանության հասցնելը» հոդվածով, սակայն քննվել է նաեւ սպանության վարկածը։


2020 թվականի հունվարի 20-ին Քննչական կոմիտեն հայտնել էր, որ մասնագետները Կուտոյանի մարմնի վրա բռնության հետքեր չեն հայտնաբերել։ Կուտոյանը 2016-2018 թթ. ղեկավարել է ԱԱԾ-ն։


Ինքնասպանություն անձնական դրդապատճառներով


Գեորգի Կուտոյանն ինքնասպանություն է գործել զուտ անձնական դրդապատճառներով։ Նման հայտարարությամբ հանդես է եկել նաև ՀՀ քննչական կոմիտեի նախագահ Հայկ Գրիգորյանը։


Նրա խոսքով՝ Կուտոյանի այրին՝ Հասմիկ Բիշարյանը, խնդրել է առանց հարազատների համաձայնության չհրապարակել ինքնասպանության դրդապատճառների մասին տեղեկատվությունը։ «Գեորգի Կուտոյանի այրին՝ Հասմիկ Բիշարյանը, նման խնդրանքով դիմել է քննչական մարմնին», - ասել էր Գրիգորյանը՝ հավելելով, որ Կուտոյանի կնոջ հայտարարությունը հաշվի առնելով՝ կարող է միայն հայտնել, որ ինքնասպանությունը կատարվել է զուտ անձնական դրդապատճառներով: «Ես չեմ կարող չակերտներ բացել, քանի որ կա զոհի իրավահաջորդի հայտարարություն», - ասել էր Գրիգորյանը:


ՔԿ նախագահը նաև նշել է, որ Գեորգի Կուտոյանի մահվան հանգամանքները պարզելու համար նշանակվել է մոտ 10 դատաբժշկական փորձաքննություն, հարցաքննվել են ավելի քան 90 վկաներ: Նրա խոսքով՝ պահանջվել է նաեւ մուտքային եւ ելքային հեռախոսազանգերի փորձաքննություն։

ՀՀ և Ֆրանսիայի ԱԳ նախարարներն անդրադարձել են ԼՂ հարցով բանակցությունների վերսկսմանը
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար