Առանց Նիկոլ Հայաստան. մեկնարկել է ընդդիմության հանրահավաքը (Լուսանկարներ)

Ազատության հրապարակում մեկնարկել է ընդդիմության հանրահավաքը, որի օրակարգում մեկ հարց է՝ Նիկոլ Փաշինյանի անհապաղ հրաժարական:

Այս պահին հրապարակը լեփ-լեցուն է, ելույթ են ունենում ընդդիմության առաջնորդները՝ Արթուր Վանեցյան, Իշխան Սաղաթելյան, հասարակական և մշակութային այլ գործիչներ, Դադիվանքի վանահայր Տեր Հովհաննես Հովհաննիսյանը։

Իր ելույթում Դադիվանքի վանահայրը հայտարարեց.

«Մենք, կորցնելով մեր տարածքները, մեր զինվորների մարմինները թողնելով այնտեղ՝ կորսված տարածքներում, մեզ հպարտ քաղաքացիներ ենք համարում: Դադիվանքի պարսպի տակ թուրքն է քայլում, մենք պետք է հզորանանք, մեր հավատքի մեր սիրո մեջ։ Մենք պետք է ապաշխարհենք, մեր մեջ պետք է լինի աստվածային սերը, եթե այն եղավ՝ մենք կգնանք, կհաղթենք, մեր տարածքները մեզ են սպասում»:

ՀՅԴ-ական Գեղամ Մանուկյանը հավաքվածներին առաջարկեց նոր վանկարկում՝ "առանց Նիկոլ Հայաստան":

VERELQ-ը ներկայացնում է ֆոտոռեպորտաժ Ազատության հրապարակից: