Նոյեմբերի 13-ից հայկական և ադրբեջանական կողմերը 385 զոհվածների դիակ են փոխանակել

Նոյեմբերի 13-ից հայկական եւ ադրբեջանական կողմերը 385 զոհի մարմին են փոխանակել: Այս ցուցանիշը ներառում է զոհեր երկու կողմերից: Այս մասին այսօր՝ նոյեմբերի 19-ին, ճեպազրույցի ժամանակ հայտնել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան։

Բացի այդ, նրա խոսքով, նոյեմբերի 14-ից Լեռնային Ղարաբաղ է վերադարձել ավելի քան 3 հազար մարդ։

VERELQ-ը հիշեցնում է, որ Ռուսաստանի, Հայաստանի և Ադրբեջանի առաջնորդները նոյեմբերի լույս 10-ի գիշերը ստորագրել են Լեռնային Ղարաբաղում հրադադարի մասին համաձայնագիր: Փաստաթուղթը նախատեսում է գերիների փոխանակում և զոհվածների դիակների փոխանակում իրականացնել: Բացի այդ, Հայաստանը պետք է Ադրբեջանին վերադարձնի Քելբաջարի, Լաչինի եւ Աղդամի շրջանները։

Ղարաբաղյան հակամարտության գոտում պետք է տեղակայվեն նաեւ 1960 ռուս խաղաղապահներ, 90 զրահամեքենա, 380 միավոր ավտոմոբիլային եւ Հատուկ տեխնիկա: Ռուսական զորակազմի հիմքը կկազմեն Կենտրոնական ռազմական օկրուգի 15 առանձին մոտոհրաձգային բրիգադի (խաղաղապահ) ստորաբաժանումները:

Լեռնային Ղարաբաղի հակամարտության գոտում խաղաղապահ խնդիրների կատարման և իրադրության դիտարկման գործողությունների համակարգումն իրականացնում է Ռուսաստանի Դաշնության պաշտպանության վարչությունների ազգային կենտրոնը շուրջօրյա ռեժիմով:

Խաղաղարար խնդիրների կատարման, հնարավոր միջադեպերի կանխարգելման եւ ռուս զինծառայողների անվտանգության ապահովման համար շարունակական փոխգործակցություն է կազմակերպվել Ադրբեջանի եւ Հայաստանի զինված ուժերի գլխավոր շտաբների հետ: Տեղադրվել են ուղիղ կապուղիներ։