Հարավային Կովկասում իրավիճակի վերաբերյալ Թուրքիայի հետ մեր դիրքորոշումները չեն համընկնում

Հարավային Կովկասի իրավիճակի վերաբերյալ Թուրքիայի հետ մեր դիրքորոշումները չեն համընկնում, Ռուսաստանը կպաշտպանի իր մոտեցումները։ Այս մասին հայտարարել է Ռուսաստանի նախագահ Վլադիմիր Պուտինը «Վալդայ» բանավիճային ակումբի նիստում։


«Մենք կարծում ենք, որ նման վիճելի հարցերը պետք է լուծել ոչ թե ուժի, ոչ թե զենքի, այլ դիվանագիտական ճանապարհով, բանակցությունների սեղանի շուրջ։ Այո, կարելի է ասել, որ բանակցություններն ընթանում են 30 տարի, բայց ոչ մի օգուտ. բայց դա չի նշանակում, որ պետք է սկսել կրակել»,- նշել է Ռուսաստանի նախագահը։


Նա նշել է, որ Լեռնային Ղարաբաղի հակամարտությունը սկսվել է հայ ժողովրդի դեմ հանցագործություններից։ «Եվ ոչ միայն որպես միջպետական հակամարտություն և տարածքի համար Պայքար, այն սկսվել է էթնիկ հակամարտությունից», - ասել է նա։


«Ցավոք, դա փաստ է, երբ Սումգայիթում, ապա Լեռնային Ղարաբաղում հայ ժողովրդի դեմ դաժան հանցագործություններ են իրականացվել։ Տարիներ շարունակ մենք առաջարկել ենք այս ճգնաժամի կարգավորման ամենատարբեր տարբերակներ, որպեսզի կայունացնենք իրավիճակը երկար պատմական հեռանկարով։ Ինչ-որ պահի թվում էր, թե մի քիչ էլ, մեկ քայլ էլ մենք լուծում կգտնենք։ Ցավոք, դա տեղի չունեցավ, և այսօր մենք հակամարտություն ունենք դրա ամենավատ տարբերակում։ Եվ ողբերգությունն այն է, որ մարդիկ են զոհվում», - ասաց նա։


Նրա խոսքով, Ռուսաստանն այնպիսի դիրքորոշում է որդեգրել, որը թույլ կտա վայելել ինչպես Հայաստանի, այնպես էլ Ադրբեջանի վստահությունը և էական դեր խաղալ որպես միջնորդ ղարաբաղյան հակամարտության կարգավորման գործում: Նա նշել է,որ Ռուսաստանի համար «Հայաստանն ու Ադրբեջանը հավասար գործընկերներ են», և ռուսական կողմի համար ողբերգություն է, երբ այնտեղ մարդիկ են զոհվում ։


«Մենք ցանկանում ենք լիարժեք հարաբերություններ հաստատել ինչպես Հայաստանի, այնպես էլ Ադրբեջանի հետ։ Ես շատ կցանկանայի, որ փոխզիջում գտնվեր։ Ես շատ սերտ կապի մեջ եմ և նախագահ Ալիևի, և վարչապետ Փաշինյանի հետ, օրը մի քանի անգամ հեռախոսով եմ խոսում նրանց հետ, մեր արտաքին գործերի, պաշտպանության նախարարները կապի մեջ են։ Մայիսի 23-ին Վաշինգտոնում հանդիպում կլինի, և ես հուսով եմ, որ մեր ամերիկացի գործընկերները կգործեն մեզ հետ միասին, կօգնեն կարգավորմանը։ Հուսանք, որ լավագույնը կլինի», - ասել է նա։


Նրա խոսքով՝ Լեռնային Ղարաբաղի հակամարտության նոր փուլի սկսվելուց ի վեր երկու կողմերից զոհվածների թիվը, ընդհանուր առմամբ, մոտենում է 5 հազարի, յուրաքանչյուր կողմից ավելի քան 2000 հազար: Պուտինը նաեւ ընդգծել է, որ «ոչ ոք շահագրգռված չէ Ղարաբաղի կարգավորման հարցում, քան Ռուսաստանը»:


 


 

Տպել

Թեմայի այլ նորություններ
Загрузка...