Կարևոր է անհապաղ դադարեցնել ռազմական գործողությունները Ղարաբաղում. Միշուստին

Կարևոր է անհապաղ դադարեցնել ռազմական գործողությունները Ղարաբաղում, Ռուսաստանը պատրաստ է աջակցել հակամարտության կարգավորմանը: Այս մասին Երևանում ընթացող Եվրասիական միջկառավարական խորհրդի հերթական նիստին հայտարարեց ՌԴ վարչապետ Միխայիլ Միշուստինը:

Նրա խոսքով, կարևոր է անհապաղ դադարեցնել ռազմական գործողություններն ու անցնել հակամարտության դիվանագիտական ճանապարհով կարգավորմանը:

«Ռուսաստանը պատրաստ է դրան աջակցել ԵԱՀԿ Մինսկի խմբի մյուս համանախագահողների հետ»,- ընդգծել է նա:

Միշուստինը նաև ցավակցություն է հայտնել ղարաբաղյան հակամարտությունում զոհերի ընտանիքներին ու հարազատներին: