ԼՂ շուրջ բանակցությունները տեղի կունենան հոկտեմբերի 8-ին Ժնևում և 12-ին Մոսկվայում

Ֆրանսիայի ԱԳ նախարարը հայտարարել է, որ Ղարաբաղի շուրջ բանակցությունները տեղի կունենան հոկտեմբերի 8-ին Ժնևում և հոկտեմբերի 12-ին Մոսկվայում, հաղորդում է EADaily-ին՝ վկայակոչելով Reuters-ը:

«Մենք ուզում ենք, որ բոլորը հասկանան, որ (ղարաբաղյան) հակամարտության բոլոր կողմերի հետաքրքրությունը կայանում է նրանում, որ անհապաղ դադարեցվեն ռազմական գործողություններն առանց նախապայմանների, և որ մենք սկսում ենք բանակցությունները Ֆրանսիայի, Ռուսաստանի և Միացյալ Նահանգների միջնորդական աջակցությամբ», - ասել է ֆրանսիական դիվանագիտության ղեկավարը:

Նրա խոսքով՝ «մենք ամեն օր կապի մեջ ենք միմյանց հետ»։ «Այս պահին դա հաջողությամբ չի պսակվել։ Վաղը տեղի կունենան Ժնևում հանդիպումներ և երկուշաբթի Մոսկվայում այլ հանդիպումներ, և մենք հույս ունենք, որ կհաջողվի վերսկսել բանակցությունները», - նշել է նախարարը ։

Ժան-Իվ Լե Դրիանը նաև դատապարտել է «Թուրքիայի ռազմական միջամտությունը, որը հղի է Լեռնային Ղարաբաղում հակամարտության միջազգայնացմամբ»: