Ադրբեջանական հրետանին խփում է Մարտակերտին. Հովհաննիսյան

Ամբողջ գիշեր մարտեր են ընթացել, հատկապես հյուսիսի և հարավի ուղղությամբ։ Մեր զինված ուժերին հաջողվել է դիրքային նոր բարելավումներ իրականացնել, հակառակորդը չի հանգստացել, որոշ տեղերում հակագրոհներ է իրականացրել, որոնք հետ ենք մղել: Այս մասին լրագրողների հետ ճեպազրույցի ժամանակ հայտարարեց ՀՀ ՊՆ նախկին խոսնակ Արծրուն Հովհաննիսյանը:

Նրա խոսքով, վաղ առավոտյան կիրառելով հրետանային միջոցներ, այդ թվում՝ նաև ծանր հրանետներ, ադրբեջանական ԶՈՒ ստորաբաժանումները վերսկսել են հարձակողական գործողությունները: Այս պահին թիրախավորված են նաև բնակավայրեր, ադրբեջանական հրետանին խփում է Մարտակերտին.

«Մեր զինված ուժերն այս պահին մղում են համառ ու հերոսական մարտեր: Այս պահի դրությամբ ունենք շուրջ 200 վիրավոր, 80-ը տեղափոխվել է Երևան: Բոլորը պատշաճ բժշկական վերահսկողության ներքո են գտնվում տարբեր զինվորական հոսպիտալներում և քաղաքացիական հիվանդանոցներում»,- ասաց նա։