Բաքուն պատերազմ է հրահրում, իսկ Անկարան բացահայտ հայտարարում է իր ներգրավվածության մասին

Ադրբեջանի և Թուրքիայի նախագահները, արտգործնախարարները և ռազմական վերնախավը տեղեկատվական դաշտում ակտիվ նախապատրաստական աշխատանքներ են տանում, չի բացառվում, որ հայկական կողմի դեմ նոր սադրանքներ ձեռնարկվեն։

Այս մասին այսօր՝ սեպտեմբերի 22-ին, ԱԺ ճեպազրույցների ժամանակ հայտարարել է "Բարգավաճ Հայաստան" խմբակցության քարտուղար Արման Աբովյանը։

"Այն հայտարարությունները, որոնք հնչում են Ադրբեջանից վերջին օրերին, որքան էլ դրանք անհեթեթ թվան, հստակ տեղավորվում են այդ նախապատրաստական աշխատանքների տրամաբանության մեջ", - հայտարարել է Աբովյանը: Նա հիշեցրել է, որ օգոստոսին Ադրբեջանն ու Թուրքիան լայնածավալ զորավարժություններ են անցկացրել, որոնց շրջանակներում Ադրբեջանի տարածք են տեղափոխվել թուրքական զորքեր, մեծ քանակությամբ ռազմական տեխնիկա, սակայն մինչ օրս ոչ մի թուրք զինվոր ու ռազմական տեխնիկայի միավոր չի լքել Ադրբեջանի տարածքը:

Դրա հետ մեկտեղ Աբովյանը կոչ է արել ուշադրություն դարձնել եվրոպական եւ արաբական ԶԼՄ-ների հրապարակումներին, որոնց համաձայն թուրքական կողմն ակտիվորեն իսլամիստների գրոհայիններ է ուղարկում Ադրբեջան: Նա նշել է, որ տվյալ դեպքում խոսքը Սիրիայում Բաշար Ասադի դեմ պայքարող ահաբեկչական խմբավորումների գրոհայինների մասին է։ "Դա վկայում է այն մասին, որ Ադրբեջանի նախագահի եւ Ադրբեջանի ու Թուրքիայի պաշտպանության նախարարությունների մամուլի ծառայությունների հայտարարությունները բոլոր ուղղություններով կատարվող նախապատրաստական աշխատանքների մաս են կազմում",-նշել է պատգամավորը:

Աբովյանն ընդգծել է, որ Հայաստանը պետք է միջազգային բոլոր հարթակներում բարձրացնի այն հարցը, որ Ադրբեջանը Թուրքիայի հետ համատեղ "մեղմ ասած" լարվածության նոր ալիք է առաջացնում տարածաշրջանում: Հաշվի առնելով Հայաստանի և Արցախի շուրջ ստեղծված իրավիճակը՝ Երևանը պետք է ավելի ակտիվ գործի միջազգային ասպարեզում, իսկ "լավ իմաստով" ագրեսիվ է, կարծում է Աբովյանը։

"Ադրբեջանն այսօր նոր պատերազմ է հրահրում։ Ավելին, շատ ակտիվ նախապատրաստական աշխատանք է տարվում։ Այսօր իրավիճակն արմատապես տարբերվում է, թե ինչ է եղել նախկինում: Առաջին անգամ Թուրքիան բացահայտ հայտարարում է, որ ներգրավվելու է հնարավոր գործընթացներում", - հայտարարել է նա։