Հայաստանի կրթական համակարգը կանգնած է կոլապսի շեմին – նախարարը պետք է հեռանա

138

"Լուսավոր Հայաստան" խմբակցությունը ներկայացրել է ՀՀ վարչապետին դիմելու ԱԺ որոշման նախագիծը՝ առաջարկելով քննարկել ՀՀ կրթության, գիտության, մշակույթի եւ սպորտի նախարար Արայիկ Հարությունյանի պաշտոնավարման նպատակահարմարությունը:


"Ցավում եմ, որ կրթության, գիտության, մշակույթի եւ սպորտի նախարար Արայիկ Հարությունյանին այդպես էլ չհաջողվեց պատասխանել "Լուսավոր Հայաստան" խմբակցության կողմից կառավարությանը բարձրացված բոլոր հարցերին", - հայտարարել է ՀԳՄ խմբակցության անդամ Աննա Կոստանյանը:


Նրա գնահատմամբ՝ նախարարի ներկայացրած տեղեկատվությունն արտացոլում էր խմբակցության կողմից բարձրացված խնդիրների միայն 0.1% - ը։ Պատգամավորը վստահ է, որ Հայաստանի կրթական համակարգը ներկայումս հայտնվել է կոլապսի շեմին։ Պատգամավորը նախարարին մեղադրել է տնտեսագիտական համալսարանի ռեկտորի ընտրության սահմանված կարգը խախտելու մեջ:


Իր հերթին, ԼՀԿ խմբակցության ղեկավար Էդմոն Մարուքյանը նշել է, որ նախարարը տապալել է այն ամենը, ինչ հնարավոր էր: "Այսպես կոչված բարեփոխումները ձախողված են, ամբողջ ոլորտը լճացման վիճակում է: Դուք կամք չդրսեւորեցիք իրական բարեփոխումներ իրականացնելու համար։ Դուք աշխատել եք միայն նրանց հետ, ովքեր ամեն ինչում համաձայնվել են ձեզ հետ, մյուսները հետապնդումների են ենթարկվել", - համոզված է Մարուքյանը:


Պատգամավորն առաջարկեց Հարությունյանին ինքնակամ հրաժարական տալ՝ ոլորտը զարգացնելու հնարավորություն ընձեռելով։ Այնուհետեւ նա ներկայացրել է ՀՀ վարչապետին դիմելու ԱԺ որոշման համապատասխան նախագիծը՝ խնդրելով քննարկել ՀՀ կրթության, գիտության, մշակույթի եւ սպորտի նախարար Արայիկ Հարությունյանի պաշտոնավարման նպատակահարմարությունը:

Տպել

Թեմայի այլ նորություններ
Загрузка...