Սերգեյ Ներսիսյանն ընտրվել է Երևանի քաղաքապետի տեղակալ

Երևանի ավագանին սեպտեմբերի 8-ի նիստում Երևանի նոր փոխքաղաքապետ է ընտրել Սերգեյ Ներսիսյանին։

Ներսիսյանը կղեկավարի քաղաքապետարանի ֆինանսատնտեսական բլոկը։

Մինչ այդ նա աշխատել է Ազգային ժողովի աշխատակազմում՝ որպես "Իմ քայլը" խմբակցության պատգամավոր Երջանիկ Հակոբյանի օգնական։

Տարբեր տարիներին Սերգեյ Ներսիսյանը աշխատել է որպես հաշվապահ մասնավոր հաստատություններում, զբաղեցրել է նաև ղեկավար պաշտոններ, վարել է խորհրդատվական գործունեություն: