Թուրքիան ու Հյուսիսային Կիպրոս հարձակողական գործողություններ կփորձարկեն Միջերկրական ծովում

Թուրքիան եւ Հյուսիսային Կիպրոսի ինքնահռչակ թուրքական հանրապետությունը զորավարժություններ կանցկացնեն Միջերկրական ծովում, հայտնում է "ՌԻԱ Նովոստի" - ն՝ վկայակոչելով թուրքական Պաշտպանության նախարարությանը:

Գերատեսչության տվյալներով՝ զորավարժություններում, որոնք ստացել են "Միջերկրական փոթորիկ" անվանումը, գործի կդնեն Թուրքիայի ռազմաօդային ուժերը, ռազմածովային ուժերը եւ ցամաքային զորքերը: Միջոցառումները նախատեսված են սեպտեմբերի 6-10-ը, դրանց շրջանակներում նավերը կմշակեն իրենց ջրային տարածքի պաշտպանության մարտավարությունն ու ծովում հնարավոր հարձակողական գործողությունները:

Մի շարք վերլուծաբանների ենթադրությամբ, ակցիան պատասխան է դարձել Միջերկրական ծովի ջրատարածքում Հունաստանի վերջին զորավարժություններին՝ մի շարք այլ երկրների ավիացիայի եւ նավատորմի ներգրավմամբ:

Ներկայումս Թուրքիայի եւ Հունաստանի միջեւ հարաբերությունների սրացում է նկատվում, որի պատճառը ածխաջրածինների հանքավայրերն են եւ նշված ջրային տարածքում սահմանի բացակայությունը: Կողմերն ավելի վաղ միմյանց մեղադրել էին վիճելի շրջանում հումքի ապօրինի արդյունահանման կազմակերպման մեջ։

Մյուս հակասությունները Միջերկրական ծովի արեւելյան մասում, որոնք կապված են երկու երկրների հետ, ծագել են դեռեւս 1974 թվականին Կիպրոսում տեղի ունեցած պետհեղաշրջումից հետո: Թուրքիան զորքեր է մտցրել Հյուսիսային կղզի, որտեղ այսօր մասամբ ճանաչված պետություն է հռչակել Հյուսիսային Կիպրոսի Թուրքական Հանրապետությունը։ Կղզու մնացած մասը մնացել է Կիպրոսի Հանրապետության կառավարության վերահսկողության տակ ։

Ավելի վաղ Հունաստանն ու ԱՄԷ-ն համաչափ արձագանքել են Միջերկրական ծովում թուրքական նավատորմի հերթական զորավարժություններին: